1. Зохистой хувцаслалт
- Албан ёсны, даруухан хувцас өмсөх (жишээ нь: цэвэрхэн цамц, пиджак, өмд)
- Чөлөөт хувцас, хэт тод өнгө, спорт хувцас зэргийг зайлсхийх
- Өөртөө итгэлтэй, цэмцгэр төрхтэй байхаас гадна таны хандлага чухал
2. Асуултанд үнэн, тодорхой хариулах
- Яагаад тухайн улс руу явах гэж байгаа, зорилго юу вэ гэдгийг тодорхой, товч, үнэн зөв хариулах
- Хэт урт тайлбар, хоёрдмол утгатай зүйл ярихгүй байх
- Санхүүгийн эх үүсвэрийн талаар асуувал нотлох баримтаа үндэслэн хариулах
Жишээ асуултууд:
- Та яагаад энэ улсыг сонгосон бэ?
- Таны аяллын гол зорилго юу вэ?
- Та хэр удаан байх вэ?
- Таны зардлыг хэн даах вэ?
- Та эргээд эх орондоо буцаж ирэх үү? Яагаад?
3. Урьдчилан бэлтгэлтэй байх
- Асуух боломжтой асуултуудыг өмнө нь давтаж үзэх
- Хариултаа хэт цээжлэхгүйгээр, ойлгож, өөрийнхөөрөө ярьж сурах
- Сандралгүй, өөртөө итгэлтэй байхад бэлтгэл хамгийн чухал
4. Зан харилцаа, биеэ авч яваа байдал
- Ёс зүйтэй, хүндэтгэлтэй харьцаатай байх
- Хэт чанга эсвэл сул дуугаар ярихгүй, нүд рүү нь харан ярь
- Худлаа хэлэх, хэтэрхий сүржигнэх, хэт өөрийгөө магтах зэрэг нь сөрөг сэтгэгдэл төрүүлдэг
5. Цаг баримтлах
- Ярилцлагын тов болзсон цагаасаа наанадаж 15–20 минутын өмнө очих
- Орчин нөхцөлөө мэдэрч, тайван хүлээх
6. Хариуцлагатай, буцах итгэлтэй хүн болохоо харуулах
- Та тухайн улсад зорилгоо биелүүлсний дараа эх орондоо буцаж ирэх хүсэлтэй, шалтгаантай хүн гэдгээ ойлгуул
- Ажил, гэр бүл, бизнес, үл хөдлөх хөрөнгө, ирээдүйн зорилго гэх мэт зүйлсийг дурдсан ч болно
Эцэст нь:
Элчингийн ажилтан таны бичиг баримтыг шалгахаас гадна таны үнэнч байдал, итгэл төрүүлж чадах байдал, зорилго тодорхой эсэхийг хардаг. Тиймээс үнэнч, товч тод, өөртөө итгэлтэй байхад л та ялна.