Эдмондс Коллеж нь АНУ-ын Вашингтон мужийн Линвүүд хотод байрлах улсын өмчит, олон нийтэд нээлттэй коллеж бөгөөд 1967 онд үүсгэн байгуулагдсан. Тус коллеж нь академик шилжилт (transfer), техникийн боловсрол, мэргэжлийн сертификат, болон бакалаврын түвшний сонгомол хөтөлбөрүүдийг санал болгодог орчин үеийн боловсролын төв юм.
Эдмондс Коллеж нь University of Washington, Washington State University зэрэг нэр хүндтэй их дээд сургуулиудад шилжих оюутнуудын тоогоороо Вашингтон мужид тэргүүлдэг. Тус коллеж нь 2+2 хөтөлбөрөөр дамжуулан оюутнуудыг АНУ-ын шилдэг их сургуулиудад амжилттай шилжүүлдэг ба академик амжилтыг дэмжих өргөн хүрээний үйлчилгээтэй.
Коллеж нь 120 гаруй хөтөлбөр, мэргэжлийн чиглэлээр боловсрол олгож, инженерчлэл, бизнес, компьютерийн ухаан, зочлох үйлчилгээний менежмент, эрүүл мэндийн чиглэлийн хөтөлбөрүүдээр онцлогтой. Edmonds нь мөн Applied Bachelor’s Degree буюу хэрэглээний бакалаврын зэрэг олгодог цөөн коллежуудын нэг юм.
Олон улсын боловсролын чиглэлд тэргүүлэгч байгууллагуудын нэг болох Эдмондс Коллеж нь 50 гаруй орны 1,000 гаруй олон улсын оюутантай. Кампус дээр орон сууцны барилга, шинээр баригдсан STEM төв, соёлын төв, урлагийн заал зэрэг орчин үеийн дэд бүтцүүдийг бүрдүүлсэн.
Мөн тус коллеж нь байгаль орчинд ээлтэй бодлого хэрэгжүүлдэг бөгөөд AASHE STARS тогтолцоонд Мөнгөн зэрэглэл (Silver Rating)-ийг авсан нь тогтвортой хөгжилд оруулж буй хувь нэмрийг нотолж байна.
